ක්‍රීඩාව කාලය අපතේ යවන ක්‍රීඩාවක් ද?
ශ්‍රී ලාංකීය ක්‍රීඩා ලෝලින් අතර ජනප්‍රියතම ක්‍රීඩාව ක්‍රිකට් ක්‍රීඩාවයි. ශ්‍රී ලාංකීය නාමය ජාත්‍යයන්තරයට ගෙන යන්නට සමත් වූ එකම ක්‍රීඩාව ද ක්‍රිකට් ක්‍රීඩාවයි. එය පන්දුවෙන් පන්දුවට කුතුහලය දනවන අති චමත්කාර ජනක ක්‍රීඩාවකි. තරඟය අවසාන වන්නේත් කුමකින් කුමක් වේදැයි නිශ්චිත කළ නොහැකි අවිනිශ්චිත ක්‍රීඩාවක් ලෙස ක්‍රිකට් ක්‍රීඩාව ක්‍රීඩා ලෝලීන් අතර ප්‍රචලිතය.
ශ්‍රී ලංකාව ක්‍රිකට් ක්‍රීඩාව කරන රටවල් අතරින්ඉදිරියෙන්ම සිටින රටකි.1996 වසරේ ලෝක ක්‍රිකට් ශුරතාවය දිනා ගැනීමත් සමඟ ලංකාව ජගත් ක්‍රිකට් වීරයෙක් බවට පත් විය.අද ශ්‍රී ලාංකිකයන් වැඩි දෙනා උද්යෝගයෙන් නරඹන ක්‍රීඩාව ක්‍රිකට් ක්‍රීඩාවයි.මේ නිසා රෑපවාහිනිය ඔස්සේ ක්‍රිකට් තරඟ විකාශය කරන දිනවල දී බොහෝ දෙනා තම පෞද්ගලික වැඩ කටයුතු පවා අතපසු කරගනි.
ක්‍රිකට් ක්‍රීඩාව කාලය අපතේ යවන ක්‍රීඩාවක් බවයි බොහෝ දෙනාගේ මතයය.රැසියාව,චීනය,ජපානය වැනි ලොව දියුණු රටවල් ක්‍රිකට් ක්‍රීඩාව නොකරන්නේ ඒ නිසාය. උදේ සිට හවස් වන තුරැම ක්‍රිකට් තරඟ පැවැත්වෙන නිසා තරඟය නරඹන්නට ක්‍රීඩාපිටියට යන ප්‍රේක්ෂකයින්ට ක්‍රිකට් තරඟය නැරඹීම වෙනුවෙන් ඒ මුලු කාලයම වැය කරන්නට සිදුවෙයි.රෑපවාහිනිය ඔස්සේ ක්‍රිකට් තරඟ නරඹන ප්‍රේක්ෂකයින් ද පුරැදුව සිටින්නේ උදේ සිටම සවස් වන තුරැම රෑපවාහිනිය අබියසට වී ක්‍රිකට් තරඟය නැරමීමටයි. තුන්වන ලෝකයේ සංවර්ධනය වෙමින් පවතින රටක් වූ ශ්‍රී ලංකාවේ සංවර්ධනයට මේ නිසා සිදුවන බලපෑම සුලු පටු නොවේ.
ක්‍රිකට් ක්‍රීඩාවට උමතු වන තරමටම වර්තමාන ශ්‍රී ලාංකිකයන්ගේ හදවත ගැඹුරට කිදා බැස ඇත.ක්‍රිකට් තරඟ පැවැත්වෙන දිනවල දී බොහෝ පාසල් සිසුහු පාසල් නොගොස් රෑපවාහිනිය අබියසට වී රෑපවාහිනිය නරඹන්නට පුරැදු වී සිටිති.රැකියාවල නියුක්ත බොහෝ දෙනා සිය කාර්යාලයීය වැඩ කටයුතු පසෙක තබා රෑපවාහිනිය නරඹති.කුඩා කැසට් යන්ත්‍ර ළඟ තබාගෙන ගුවන් විදුලිය ඔස්සේ විකාශනය වන ක්‍රිකට් තරඟ විස්තර විචාරයට සවන් දෙති.මේ නිසා රාජ්‍ය හා පෞද්ගලික අංශවල ක්‍රියාකාරිත්වය අඩපණ වීමෙන් රටේ සංවර්ධනයට සිදුවන බලපෑම අතිවිශාලය.
ක්‍රිකට් ක්‍රීඩාවේ උන්නතිය වෙනුවෙන් රජය ලබාදෙන සහයෝගය සෙසු ක්‍රීඩාවන් සඳහා ද ලබා දීම ක්‍රීඩාවේ පැහැබර අනාගතයක් පතන අප කවුරැත් බලාපොරොත්තු වන දෙයකි.ක්‍රීඩාවේ හෙට දවස වෙනුවෙන් වැදගත් වන්නේ සෑම ක්‍රීඩාවකටම ලැබිය යුකු නිසි ගෞරවය ලබා දීමයි.
ක්‍රිකට් තරඟ නැරමීමේ දී සිය වටිනා කාලය මිඩංගු නොවන පරිදි තමන්ගේ දෛනික වැඩකටයුතුවලට බාධාවක් කර නොගෙන ක්‍රිකටි තරඟය රසවිඳීමට ප්‍රේක්ෂකයින් වග බලා ගත යුතුය.ක්‍රිකට් ක්‍රීඩාව කාලය අපතේ යවන ක්‍රීඩාවක් වුවත් ක්‍රිකට් තරඟ වෙනුවෙන් සිය කාලය අපතේ නොයැවීමට කටයුතු කිරීම අපේ දියුණුවටත්,රටේ දියුණුවටත් හේතු වෙයි.
No comments:
Post a Comment