සිංහල අලුත් අවුරැද්ද හා තාක්ෂණය
මෙම නව වසර සංස්කෘතිකමය වශයෙන් අප්‍රේල් මාසය තුළ දී සමරන් ලැබේ.නැති නම් එය බක් මාසයේ දී සමරනු ලැබේ. අලුත් අවුරැද්ද සමඟ චාරිත්‍ර වාරත්‍ර සමුහයක් බැතී පවති.සියලු සිංහල ජනතාව විසින් සමරන උත්සවයකි.
අලුත් අවුරැද්ද සිංහල හින්දු අලුත් අවුරැද්ද ලෙස සලකනු ලැබේ. එයට හේතුව වූයේ ,හින්දු ආගම ගැන සලකා බලන කළ එය පුරාතනයේ සිටම බුදුදහම හා සමාන්තරව පැවතුණ ආගමක් ලෙස හදුනා ගත හැකි හෙයින් නව අවුරැදු චාරිත්‍ර වාරිත්‍ර හින්දු ජනතාව අතර හින්දු ආගමට අනුකූලව වැඩි දියුණු වීම නිසාය.බෞද්ධාගම හා හින්දු ආගම ඓතිහාසිකව එනිනෙක හා බැදී පවති.එම නිසා බෞද්ධයින් හා හින්දු භක්තිකයින් අතර හින්දු චාරිත්‍රවල විශාල පරස්පරතා හදුනා ගත ෙනාහැකිය.
මිත්‍යා විශ්වාස හා ප්‍රබන්ධවලට අනුව අලුත් අවුරැදු උදාව හින්දු සාහිත්‍යට නියම වශෙයන් බැදී බවති.සාමයට අධිපති කුමරා ලෙස හින්දු ආගමේ සලකනු ලබන ඉන්ද්‍රදේව පොළව වෙත සාමය හා සෞභාග්‍ය ලබා දීම තාහවුරැ කිරිම ලෙස නව අවුරැදු උදාව සලකනු ලැබේ.අවුරැදු කුමරා සුදු පැහැ රථයක නැගී සුදු මල්වලින් සරසනු ලැබු හත් රියන් උස ඔටුන්නක් පැළඳ පොළවට වඩිනු ලැබේ.ඔහු පළමුව පොළවේ ගුරැත්වාකර්ෂන බලය බිද දමා එය කිරි සයුර හෙවත් මුහුදේ ගිල්වා ගොඩට ගනු ලබන බවට මිත්‍යා විශ්වාසයක් ගැමි ජනයා අතර පවති.
අවුරැදු දින සිරිත් විරිත් ඉටු කිරීම සම්ප්‍රදායිකව නක්ෂාත්‍රකරැවන් විසින් ලබාදෙන නැකත් වේලාවන් අනුව කරනු ලැබේ.එමනිසා අලුත් අවුරැද්ද සැමරීම ස්වදේශීය හින්දු සහ බෞද්ධ සම්ප්‍රදායන්වල සංකීර්ණ එකතුවක් ලෙස සැලකිය හැකිය.
අලුත් අවුරැදු සමයේ පරිසරයේ විශාල පරිවර්තනයක් සිදු වේ.කොවුල් නද මාසය පුරා රැව්දෙනු ලැබේ.එපමණක් නොවේ එරබදු මල් පිපීම ප්‍රමුඛ කර ගනිමින් ගස් කොළන් සියල්ලම කොළ හැළී දලුලමින් වර්ධනය වීමක් දැකගත හැකිය.
සුර්යා මීන රාශියෙන් මේෂ රාශියට මාරැ විමක් සිදු වේ.මේ කාලයේ සිංහල ජනතාව අලුත් ඇදුම් ඇදීම ,නෑගම් යාම,විනෝද ක්‍රිඩා කිරීම,අවුරැදු උත්සව පැවැත්වීම ආදී වශයෙන් ප්‍රමුඛ පෙළේ චාරිත්‍ර රාශියක් ඉටු කරනු ලැබේ.නමුත් අද තාක්ෂණික දියුණුව හේතු කර ගනිමින් චාරිත්‍ර බොහෝමයක් අභාවයට පත් වී ඇත.මන්ද ෆේස් බුක් ,වයිබර්,වට් ඇප්ස්,ටුවිටර් වැනි සමාජ ජාලා ප්‍රම්‍රඛ කරගනිමින් අලුත් අවුරැදු සුභ පැතුම් සිදු කිරීම ආදිය නිසා චාරිත්‍ර බොහෝමයක් හීන වෙමින් මිනිසුන් හුදකලි වීමක් සිදු වී ඇත.එය සාර්ථක අසාර්ථක බව තීරණය තිරීම ඔබ සතුය.ජාතික අනන්‍යතාවයේ සිරිත් වියැකී යාමට ඉඩ නොදීම ඔබගේත් මගේත් යුතුකමකි.
